BACOLOD CITY – Isa ka ginang ang nagreklamo batuk sa iya ka live-in nga lalaki nga nagpakahuya sa iya matapos ini ang nagtuga sang alarma kag iskandalo kagab-i sa Brgy. Singcang Airport, Bacolod City.
Ang complainant, isa ka 38 anyos nga babayi, pumuluyo sang amo nga lugar samtang ang iya naman ginreklamo amo ang iya 29 anyos nga ka live-in nga lalaki.
Suno sa iya may mga las 11 kagab-i, nag-abot nga hubog ang lalaki kag gilayon ini nga nagpang-gamo kon diin makapila ka beses niya nga gintiklod ang babayi.
Siling sang biktima nga wala pa nakuntento ang lalaki, ginkuha pa niya sini ang mga kagamitan sang babayi lakip na ang iya cellphone kag kwarta kag ginhaboy sa dalan.
Ini ang rason kon ngaa nagpadulong sa istasyon sang pulis ang babayi kag ginpa-blotter ang iya ka live-in./Agnes Apostol.
