Padayon nga gina-imbestigahan sang Isabela PNP ang motibo sa pagtiro-patay sang isa ka 39 anyos nga amay sa Purok Sambag, Barangay Libas banwa sang Isabela, Negros Occidental las 4 sang hapon, Hulyo 10.
Sa imbestigasyon, magasugat kun tani sa iya anak sa eskwelahan sakay sa iya traysikol ang biktima nga ginkilala kay Jorie Boy Fabillar, pumuluyo sang amo nga lugar sang ginpunduhan sang isa ka itom nga rusi nga motor nga may 3 ka sakay kag hinali nga ini ang gintiro sang isa sa mga suspeks sa wala mahibalu-an nga rason.
Nag-angkon sang igo sa ulo kag sa iban nga bahin sang iya lawas ang biktima nga gintunaan sang iya hinali nga kamatayon. Ginahingagaw pa dala sa ospital ang biktima apang ini ang gin pronunsyar dead on arrival.
Narecover sa eksena sang krimen ang 3 ka basiyo kag isa ka naglupok nga bala sang .45 kalibre nga pistola.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
