BACOLOD CITY – Padayon karon nga gina-usisa sang mga utoridad ang motibo kon nga-a gintiro ang isa ka lalaki sang iya man lang bayaw kahapon sang hapon sa Brgy. Banago.
Ginkilala ang biktima nga si Dindo Ganancial Jr., 32 anyos, soltero kag pumuluyo sang San Patricio, Purok Kawayan, Brgy. Banago, ciudad sang Bacolod.
Suno sa pamilya sang biktima may mga las 2:30 kahapon sang hapon sa Sitio Sibucao, Brgy. Banago natabo ang insidente kon diin gintiro sang iya bayaw ang biktima.
Kapin sa 5 ka igo sang bala ang naangkon sang biktima. Una ini gindala sa Corazon Locsin Montelibano Memorial Regional Hospital kag sang ulihi ginsaylo sa isa ka pribado nga ospital./dyHB BACOLOD
Facebook Comments
