Lalaki gipusil atubangan sa iyang balay sa Tupi

South Cotabato–patay usa kalalaki human kining gipusil sa wala pa mailhing suspek atubangan mismo sa ilang panimalay sa may Purok 10, Barangay Poblacion Tupi, South Cotabato 5:30 ang takna sa hapon, kagahapong adlawa.

Giila ang biktima nga si Rogelio Robinas, 53-anyos, residente sa maong lugar.

Subay sa inisyal nga imbistigasyon sa Tupi Municipal Police Station nasuta nga kalit lang miabot ang wala pa mailhing suspek diin gipusil dayon niini ang biktima nga anaa lang atubangan sa ilang panimalay.


Paspas usab nga misibat ang suspek saw ala sayring lugar samtang ang biktima wala na nadala pa sa ospital human nakabsan gilayon sa iyang kinabuhi gumikan sa iyang mga samad nga naangkon.

Usa sa mga anggulong gitutukan karon sa kapulisan sa pagpamusil patay sa biktima mao ang personal nga bangi.

Facebook Comments