Lalaki gipusil patay

44

Davao de Oro – Patay ang usa ka laborer human gipusil sa wala mailhing suspetsado alas 5:40 sa hapon dinhi sa Rizal Street , Brgy. Poblacion, Maragusan, Davao de Oro.

Biktima giila nga si Lino Pelpinosas, 54 anyos, minyo, laborer, residente sa Purok Durian, Brgy. Poblacion, lungsod sa Maragusan.

Sumala sa report sa Maragusan Municipal Police Station, nagsakay ang biktima sa usa ka Honda TMX, walay plate number nga gimaniho sa usa ka Mando Menses, 22 anyos, apan kalit gibabagan sa usa ka kawasaki KLX nga gisakyan sa duha ka wala mailhing suspetsado ug gipusil ang biktima gamit ang wala matinong armas tumong sa ulo ug gidali pagdala sa pinakaduol nga tambalanan apan gideklarang dead on arrival.

Giinbistigahan pa sa kapolisan ang maong pagpatay aron mailhan ang mga mamumuno.

RadyoMaN Jules Catisay

Facebook Comments