Lalaki gipusil patay atbang sa ospital

36

Pagadian City – Dili pa matino sa otoridad ang motibo sa pagpusil patay sa usa ka lalaki alas 8:15 sa buntag kagahapong adlawa atbang mismo sa Cabahug Hospital sa Brgy. San Pedro, Pagadian City.
Bisan pa man duol na lang kaayu ang emergency room sa nasangpit nga ospital, wala na nadala pa sa tambalanan ang biktima nga nailang si Sammy Nian, 35-anyos, lumulupyo sa Brgy. Nian, Dinas, Zamboanga del Sur.
Nasayran nga sakay ang biktima sa usa ka pasayroang tricycle gikan sa National Highway sa Brgy. Bulanit, Labangan, Zamboanga del Sur sa dihang gipaulanan kinig bala sa usa ka riding in tandem.
Sigon sa tricycle driver nga si Ting Abo, adunay minaog nga pasahero hinungdan nga mihunong kini ug didto na nakakuhag higayon ang mga suspek nga nagsakay sa motor Mio Color Blue.
Igo sa ulo ang hinungdan sa hinanaling kamatayon kinsa pauli na unta sa iyang panimalay sa Nian gikan sa Cotabato City.

Facebook Comments

From Advertisers