Lalaki gipusil-patay sa basakan

Davao de Oro – Patay ang usa ka lalaki human gipusil sa wala mailhing suspetsado alas 6:40 ang takna sa gabii sa Brgy. Poblacion, Maragusan, Davao de Oro.

Biktma giila sa pangalang Rodrigo Olbedencia, 50 anyos, ulitawo ug residente sa Prk. Lubi, Brgy. Mauswagon lungsod sa Maragusan.

Sumala sa report nga nahipos gikan sa Maragusan PNP, nasayran nga samtang namaligya og gulay ang biktima, usa ka wala mailhing suspetsado ang kalit miduol ug gipusil ang biktima sa makadaghang higayon hinungdan sa iyang hinanaling kamatayon.


Dali nga misibat ang wala mailhing suspetsado palayo.

Gi-imbestigahan na sa kapulisan ang maong krimen aron mailhan ang suspetsado sa pagpapatay ngadto sa biktima.

RadyoMaN Jules Catisay

Facebook Comments