Lalaki gipusil sa silingan

Davao City – Angol ang usa ka lalaki human kini gipusil sa iyang silingan alas-5:30 sa kabuntagon sa Barangay Sinoron, Sta Cruz Davao del Sur.

Biktima naila sa pangalang Roland Bucod Gumahin, 21 anyos samtang ang suspek giila nga mao si alyas Tata Alang parehong lumulupyo sa nasangpit nga lugar.

Base sa imbestigasyon sa kapulisan samtang si Gumahin naglingkod daplin sa kalsada aron maingarilyo kalit kini giduol sa maong suspek dayon gitionan og pusil.


Daling midagan ang biktima apan naigo gihapon kini sa pusil sa may likod ug wala nga kamot niini.

Sumala pa sa witness sa maong panghitabo, daling midagan ang suspek sa wala pa matino nga direksyon samtang ang biktima gidala sa balay tambalanan.

Motibo sa pagpamanhig padayon pang ginaimbestigahan sa kapulisan.

RadyoMaN Abi Bibera

Facebook Comments