General Santos City—Padayon ang gihimong imbistigasyon sa Polomolok PNP sa nahitabong pagpamusil patay sa biktimang si Ian Gayan, 37 anyos, residenti sa Mahusay Subd., Barangay Poblacion, Polomolok, South Cotabato kansa gipusil sa wala mailhing suspek alas 12:35 ang takna sa udto niadtong Domingo.
Sumala ni Police Sr. Inspector Romeo Albano, sa Polomolok PNP nga subay sa pahayag sa pamilya sa biktima nga gikan sila sa Maasim, Sarangani Province. Igo lang nag gihatod sa biktima ang iyang pamilya sa ilang panimalay sa Mahusay subd. , dayon mibalik sa merkado publiko sa Polomolok.
Pag uli niini didto na kini gisundan sa duha ka suspek nga nakamotorsiklo pag abot sa Ruby St., Barangay Poblacion, didto na kini gipusil sa mga suspek.
Sa pag imbistigar sa kapulisan sa lawas sa nasangpit nga biktima nakuha ang gituohang shabu nga naputos sa foil sa sigarilyo.
Samtang gibutyag ni Police Sr. Inspector Albano nga usa ang druga sa ilang gidudahan karon nga motibo sa pagpamusil patay sa biktima human dunay nakit-ang shabu sa nasangpit.
Apan gikumperma ni Albano nga wala sa ilang drug watclist ang nahisgutan gumikan punay nga gabalhin-balhin ug puy-anan ang biktima.
