Lalaki gipusil tapad sa iyang inahan

15

General Santos City–Nagpadayon ang gihimong imbistigasyon sa Police Station 7 sa laing pagpamusil patay sa Gensan diin uwahing biktima mao si si Aladin Mariñas, 21 y/o, residenti sa Prk. 21, Brgy. Fatima, Gensan.

Gipusil ang biktima alas 8:00 ang takna kagabie sa wala pa mailhing mga suspetsado.

Sa inisyal nga imbistigasyon sa kapulisan nasuta nga anaa sulod sa ilang panimalay ang biktima dihang kalit lang misulod a ng suspek dayon gipusil ang biktima nga naglingkod lang tapad sa iyang inahan.

Nakaangkon ug samad sa iyang ulo ang biktima nga hinungdan sa iyang kamatayon. Nasayran nga gidala pa sa ospital ang biktima apan gideklara kining dead on arrival.

Sa karon nagpahigayon nag imbistigasyon ang Police Station 7 kalabutan sa maong insidenti.

Facebook Comments