lalaki, gitigbas-patay sa ig-agaw gumikan sa haligi sa pugon

18

*General Santos City— Patay ang usa ka Ramli Sabnal, 31 anyos nga residente sa Roque Village, Brgy. Gumasa, Glan Sarangani Province human kining gitigbas sa iyahang ig-agaw nga si Randy Tara, 34 anyos nga residente sa samang lugar.*

*Subay sa imbestigayson sa kapulisan, boluntaryong misurender ngadto sa opisyal sa barangay Gumasa ang suspek ug gi-angkon ang krimen kung asa hinungdan matud pa mao ang pagguba sa biktima sa pugon nga ginalutuan sa kopras ug gikuha ang us aka haligi niin iaron nga ibutang sa ginatukod niining balay.*


*Nakaangkon ug ubay-ubay nga samad tinigbasan sa ulo ug lawas ang biktima gamit ang lagaraw nga hinungdan sa iyahang kamatayon.*

*Desidido man usab ang kabanay sa biktima nga mupasang-at ug kaso batok sa suspek nga kasamtangang balhog sa selda sa Glan Municipal Police Station.*

*Pagpaklaro sa suspek nga wala siya nagmahay sa nahimo niining krimen gumikan iyaha matud pang gikasuko ang nahimong tubag kaniya sa biktima rason nga iyaha kining gitigbas. Lango matud pa siya sa ilimnong makahubog rason nga dali nga nag-init ang ulo ug nahimo ang pagpatay sa biktima.*

Facebook Comments

From Advertisers