Katipunan-Nagpaabot nalang nga mapasakaan ug kaso ang person of interest nga mitigbas sa biktima nga si Ruel Neri Elcamel, 31 anyos.
Didto kini nahitabo sa Brgy. San Antonio, lungsod sa Katipunan, ang mitigbas mao si Manuel Grapi Somoza, 53 anyos, molupyo sa nahisgutan nga dapit.
Sa nahipos nga impormasyon sa kapulisan sa maong lungsod matod pa nag inom ang biktima ug ang person of interest duol sa ilang panimalay.
Sa ilang paglingaw-lingaw nagkalalis kini sila ug tungod sa ilang wala pagkasinabtanay miresulta kini sa pagpanigbas human nga milanit ug sundang ang person of interest nga si Manuel.
Maayong pagka igo sa abaga sa biktima, gani sa pagkakaron padayon pa kining nagpaalim sa iyang samad tinigbasan sa ZANORTE Medical Center.
Ang Person of Interest kasamtangan karon nga naka detained samtang padayon pa ang imbistigasyon, karong adlawng Martes pormal na kining pasakaan ug kaso..
