Sa interbyu sa DXDC RMN Davao kang Police Corporal Christopher Logo, personahe sa Maco Municipal Police Station (MPS), gisaysay niini padayon pa usab nila nga ginaila ang biktima nga naka-gray tshirt, maong ang pantalon ug adunay samad pinusilan sa iyang agtang ug gituohang gi-salvage.
“Unidentified pa yung biktima. Under investigation pa ‘ni,” sulti sa pulis.
Gisaysay sa nakakita sa biktima ug maoy mi-report sa pulis nga alas 11:48 sa gabii niadtong Domingo sa dihang nakadungog kini’g sunod-sunod nga boto sa pusil sa maong lugar kung asa nakit-ang patay ang biktima ug layo gikan sa sentro ingon man wala nay available nga cellular site. Na-rekober sa crime scene ang duha ka bala sa .45 caliber pistol.
Dugang sa pulis, wala pay gika-report nga na-missing nga residente sa lugar, hinungdan nga ilaha pang gipalawman ang inbestigasyon sa krimen.
RadyoMaN Kirby Manzon
