General Santos City—Kritikal ang kondisyon sa usa ka Vergilio Luganao, 37, residenti sa San Vicente, Silway West, Gensan human kining gidunggab sa suspek nga si Roland Bacalso,legal age, kanhing priso ug residenti sa samang lugar.
Nasayran nga alas 1:45 sa kabuntagon dihang nahitabo ang pagpanunggab. Base sa initial nga imbistigasyon sa Police Station 1 nasayran nga ayha nahitabo ang insidentio adunay nakalaban matud pa angsuspek didto sa maong lugar.
Niuli ang nasampit ug nikuha ug kutsilyo dayon nibalik sa lugar. tungod wala na ang iyang nakalaban ang biktima na nuon nga si Luganao ang iyang gipahimungtan pinaagi sa pagdunggab sa iyang dughan.
Sumala ni PCI allan De Gusman, OIC Chief Of Police sa Police station 1 nga walay atraso ang biktima sa suspek sanglit nadamay ra gyud kini sa kapungot sa suspek.
Paspas nga misibat a ng suspetsado samtang ang biktima daling gidala sa usa ka pribadong tambalanan sa Gensan.
Sa karon nagpadayon pa ang gihimong imbistigasyon sa kapulisan kalabutan sa maong insidenti.
