Lalaki misukol-patay sa drugbust

31

Davao City – Patay ang usa ka lalaki nga suspek sa pagpayuhot og iligal nga droga sa gilusad nga buy bust operation sa kapolisan sa Talomo kauban ang Phillipine Drug Enforcement Agency (PDEA) ug Drug Enforcement Unit sa Talomo PNP kagabii diin gipangulohan kini ni Talomo PNP station commander PCI Ronald Lao.

Naila ang suspek pinaagi sa ID niini nga nakuha sa kapulisan nga mao si John Reiner Solante de Jesus, 20 anyos ug residente sa may Panacan nng siyudad sa Davao.

Pinaagi sa poseur-buyer ug buy bust money nga mokantidad sa 14-mil ka pesos, nakigkita ang suspek nga si alyas James sa may dalang Corner Jacinto ug Juan dela Cruz, Brgy. 32-D ning siyudad para sa kaliwaan nga transaction sa iligal nga droga partikular kining marijuana nga mokantidad og 15,000 ka pesos alas 12:20 kaganinang kadlawon.

Sa dihang itunol na unta sa suspek ang usa ka bag nga dunay gituuhang illegal drugs, nakabantay kuno ang suspek nga operatiba na sa otoridad ang iyang ka-transact ug daling mibunlot sa iyang dala nga .38 nga revolver ug nagpabuto hinungdan nga na-neutralize kun napatay kini sa kapulisan.

Narekober gikan niini ang back pack ug 10 ka mga resealable nga transparent nga plastik nga dunay sulod sa gituuhang mga pinauga nga marijuana lakip ang buy bust money, .38 nga revolver, lima ka bala ug usa ka napabutong bala.

RadyoMaN Paul Canono

Facebook Comments