Sa interbyu sa DXDC RMN Davao kang Police Captain Rodrigo Dumangas Jr., Officer-In-Charge sa Magsaysay Municipal Police Station, giila niini ang biktima nga si Rollie Bruno Mansilagan, 22 anyos, ulitawo ug residente sa Purok 8, Barangay Dalawinon, Magsaysay.
Samtang ang mga suspek mao sila Jerome Juario, 21 anyos, ang gituohang mitigbas sa biktima, diin kauban niini sila Denis Tecson, 23 anyos, nag-drive sa motor ug angkas usab niini si Renel John Estrada, 23 anyos.
Sa imbestigasyon, personal nga bangi ang motibo sa krimen diin saysay sa pulis nga target sa magbarkada nga tigbason ang lalaking misumbag matud pa sa usa sa ilang kauban apan dili maong tao ang ilang napahimungtan.
“Kadtong bystander, kadtong nagtindog-tindog, nag istorya-istorya, mao ‘to ilang giagian. Namali nila og (tan-aw). Pagtuo nila’g mao to (ang target). Mao ‘to, gitigbas dayon atong mga lalaki nga suspek nato,” sulti sa pulis.
Natigbasan ang biktima sa liog resulta sa iyang kamatayon. Gilayon usab nga naaresto ang mga suspek human sa gilusad nga hot pursuit operation.
RadyoMaN Kirby Manzon
