Lalaki nagbaktas-gidunggab patay

13

General Santos City—Patay ang usa ka 41 anyos nga nailang si Robert Sioting, residenti sa Diamond Valley, Barangay Tambler, Gensan human kining gidunggab duha ka higayon sa iyang silingan nga nailang si Ian Pialago, legal age, residenti sa Block 3, Doamond valley, Barangay Tambler Gensan alas 2:15 ang takna sa hapon.

Sa initial investigation sa Police Station 5, nasuta nga ang suspek nga si Ian Pialago uban sa duha pa ka mga silingan nga silang Perfecto Subaan Jr. ug Rusty Dumas nagaestoryahanay lang sulod sa compound sa balay ni Subaan.

Pag-agi sa biktimang si Sioting kalit lang matud pa kining giduol sa suspetsadong si Ian dayon gidunggab duha ka higayon igo sa liog ug sa iyang ulo nga bahin.

Paspas nga misibat ang suspek samtang ang biktima gidala dayon sa Gensan Medical Center nga nahimutang sa barangay Calumpang apan gideklara na kining dead on Arrival.

Nasayran nga nagtaop pa ang kutsilyong gigamit sa suspek sa ulo sa biktima dihang siya gidala sa ospital.

Sumala ni Gabiel kapuyo sa biktima natripan lang sa suspek ang iyang live-in partner tungod wala may bingkil ang biktima u gang suspetsado.

Sa karon gipangita pa sa kapulisan ang suspek kansa nagtago-tago saw ala masayring lugar.

Facebook Comments