General Santos City—Samdan ang usa ka Jessie Villarta, 18, residenti sa Purok Tocay, Olarte Village, Barangay Labangal Gensan human kining gitigbas sa iyang silingan nga nailang si Henry Demafeles, legal age alas 8:45 ang takna kagabie didto mismo sa maong lugar.
Sa pagpanubay sa Police Station 2 nasuta nga nagbaktas ang biktima pauli na unta sa ilang panimalay. kalit matud pa kining gisita sa suspek gumikan kay hait matud pa ang iyang tinan-awan sa nahisgutan.
Didto na gideretso ug tigbas sa suspek ang biktima igo sa iyang suwang nga bahin. Gidala gilayon sa ospital ang biktima human sa insidenti, samtang ang suspek malampusong nasikop sa miresponding sakop sa Police Station 2.
Narekober sa posisyon sa suspek ang sundang nga gigamit pagtigbas sa biktima. Karong adlawa takdang pasakaan ug kaso ang suspetsado.
