Davao City – Anaa na sa kustodiya sa Criminal Investigation and Detection Group (CIDG)-XI sa Davao de Oro ang usa ka lalaki nga nadakpan atol sa police buy-bust operation subay sa Flagship Project sa CIDG nga “OPLAN MEGASHOPPER” (Campaign Against Illegal Selling of Cigarettes without Standard Graphic Health Warning).
Sa report sa CIDG-XI, ang dinakpan nailang si Abdullah Bensali Bantilan alyas Abdul, 26 anyos, minyo, ug residente sa Purok Kasilak, Barangay Kingking, Pantukan, Davao de Oro.
Nakuha sa dinakpan ang anaa sa 134 reams sa BROS Menthol Cigarette nga mukantidad og kapin P53,000.
Padayong giawhag sa awtoridad ang publiko nga ireport ang mga iligal nga aktibidad sa ilang komunidad aron kini gilayong maaksyonan.
RadyoMaN Kirby Manzon
Facebook Comments
