General Santos City—angol ang usa ka lalaki human nga nahulog gikan sa gisakyang pick-up sa may Amao Road, Barangay Bula, Gensan.
Giila ang biktima nga si Jerome Ampan, legal age, residenti sa Balot Island, Sarangani Davao Occidental.
Alas 3:00 ang takna sa hapon dihang nahitabo ang insidenti. Subay sa nakakita, samtang nag dagan ang pick-up gipugngan sa nahisgutan ang bangko nga karga sa maong sakyanan nga hapit nahulog apan siya na hinuon ang nahagbong mao nga nakaangkon ug mga samad.
Wala usab nabantayan sa driver sa pick-up ang pagkahulog sa biktima mao nga gigukod pa kini sa usa ka sikad driver aron pahibaluon nga nahagbong ang iyang pasahero.
Gilayon usab nga gidala sa Soccksargen Hospital ang biktima human nga nakuyapan. Sa karon nagpaalim nalang sa ospital ang nasangpit.
