Lalaki nakaplagang patay sa sementeryo

96

Davao City – Gisubay karon sa Bunawan Police Station ang mga cctv footages duol sa Tibungco Public Cemetery diin napalgan ang patayng lawas sa usa ka 22 anyos nga lalaki nga dagha’g samad dinunggaban.

Giila ang biktima nga si Ronie Simeon Pascua, trabahante sa Cargo Airport Sasa, ug residente sa Purok 13, Brgy Tibungco, Davao City.


Sa interbyu sa DXDC RMN Davao kang Bunawan Police Station Station Commander Police Major Noel Villahermosa, gipalawman nila ang imbestigasyon aron masayran ang motibo sa pagpatay sa biktima.

Sa inisyal nga report sa Scene of the Crime Operatives (SOCO), posibleng gipatay ang biktima sa oras nga alas 2:00 o 3:00 sa kaadlawon.

Usa ka 13 sentimetros nga kitchen knife ang narecover sa crime scene.

RadyoMaN Aimee Guinita

Facebook Comments