South Cotabato – sikop ang usa ka lalaki human kining nakuhaan ug pusil sa check-point sa Koronadal City PNP nga nahimutang sa National Highway, Barangay Concepcion, Koronadal City.
Suspek giilang si Russel Sodusta, 28, residenti sa Purok Masagana Barangay Cabuling, Tantangan, South Cotabato. Subay sa report sakay matud pa ang suspek sa usa ka Suzuki Raider nga motorsiklo, giharang kini sa check gumikan sa open pipe violation.
Nisuway pag sibat ang suspek apan nakorner na kini sa kapulisan maong wala nakaporma ang nahisgutan, dihang gikapkapan nakuha sa iyang hawak ang usa ka 20 gauge homemade pistol nga adunay usa ka buhing bala.
Tungod niini gidakop ang suspek ug gipaslak sa prisohan sa Koronadal City PNP. Sa karon ginaandam na ang pagpasang-at ug kaso batok sa suspetsado.
