Dumalag, Capiz – Pilason ang 40-anyos nga lalaki matapos nga nalab-an sang mismo kaupdanan sini sa pag-inum sa Brgy San Miguel banwa sang Dumalag alas 11 sang gab-i.
Ginkilala ang biktima kay Mariln Frio y Ferrer nga residente sang Brgy Duran, Dumalag. Ini ang nag-angkon sang pilas sa iya ulo kag nawala nga butkon.
Samtang naarestar naman ang suspek nga ginkilala kay Noel Fabuna, 56-anyos sang Brgy Santo Angel, Dumalag.
Ginapahayag nga antes ang insidente, nagluntad ang pagbaisay sa tunga sang duha kun sa diin nagpauli ang suspek kag nagkuha sang sanduko nga amo ang gingamit sa paglabo sa biktima.
Samtang pilason si Isidro Castañeda nga nagtambag sa away sang duha.
-web photo
Facebook Comments
