Lalaki nanggunit og sampot, arestado

226

Davao City – Arestado sa kapolisan sa San Pedro ang usa ka lalaki nga hubog human matud pa nang molestiya pinaagi sa paghikap og sampot sa usa ka minor de edad nahitabo alas-2:15 sa hapon didto sa Bankerohan, siyudad sa Davao.

Sa gihimong pakighinabi sa DXDC RMN Davao ngadto kang alyas Tisay, gisaysay niini nga samtang nagpalit siya og sud-an niadtong tungora iya nalang namatikdan nga dunay kalit nanghikap sa iyang sampot nga usa ka lalaki diin nagpangedaron sa 40-anyos ug naila nga si alyas Dong.

Gilayon nagpatabang ang complainant nga minor ug nataymingan nga dunay sakop sa police nga nagronda gani nasikop ang suspect.

Pursegido sumala pa si alyas Tisay nga mupasaka og kasong Acts of Lasciviousness batok sa suspetsado.

Sa pagkakaron, balhog na sa selda sa kapolisan sa San Pedro si alyas Dong samtang gihikay na sa mga otoridad ang mga dukomento aron mapasaka ang kaso ngadto sa korte.

RadyoMaN Don Pulayao

Facebook Comments