Tapaz, Capiz – Wala na sang kabuhi sang nasapwan ang isa ka 44 anyos nga lalaki sa sitio Malansa Barangay Abangay, Tapaz Capiz kahapon sang hapon.
Ginkilala ang biktima sa kay Jerry Olog, sang Barangay Roxas, Tapaz, Capiz.
Base sa inisyal nga imbestigasyon sang mga kapulisan, nakita sang bata sang biktima ang iya amay nga wala na sang kabuhi sa nasambit nga lugar.
Nag-angkon sang igu sang bala ang biktima, lapos sa iya baba. May mga pilas man ini sa natuo nga dughan kag abaga.
Nagapadayon pa ang imbestigasyon sang Tapaz PNP sa nasambit nga insidente.
Facebook Comments
