Lalaki nasikop sa pagpayuhot sa illegal nga droga

24
Nadakpan sa gipahigayong drug buy-bust entrapment operation sa mga kapulisan ang usa ka lalaki takna ala 1 sa hapon kagahapon didto sa Purok-6, Barangay San Martin, Malaybalay City, Bukidnon.

Giila ang suspetsado sa pagpayuhot sa illegal nga droga nga si Kevin Paul Condes, 25 anyos, ulitawo, mag-uuma, ug residente sa Purok-3, Brgy. Santo Niño, Malaybalay City.

Nakompiska gikan kang Condes ang upat ka heat sealed transparent plastic sachet nga mikontinar og drogang shabu nga mitimbang ug usa ka gramo ug gibana-banang mukantidad og kapin Php7000.00 ug usa ka P500 bill.

Gidala na ang suspetsado ug mga nakompiskang ebidensya ngadto sa Malaybalay City Police Station alang sa tokmang disposasyon nga layong ipagturn-over sa Bukidnon Provincial Forensic Unit alang sa eksiminasyon.

Mag-atubang sa paglapas sa Article II, Sections 5 ug 11 sa RA 9165 nga mas giila nga Comprehensive Dangerous Drugs Act of 2002 ang dinakpang suspetsado.

Facebook Comments