SIPALAY CITY – Imbes nga magpapatyo nagpaospital ang isa ka hubog matapos ini ang ginbuno sang himata sang tyangge nga ila ginstandbayan.
Nakilala ang biktima kay Benjie Biasong, 28 anyos sang Barangay, Maricalum.
Nakilala naman ang suspek kay Remias Zamora sang amu man nga lugar.
Las 12:35 kaina sang udto, sang ang hubog nga si Benjie upod ang iya apat ka mga barkada ang nagpadulong sa tyangge nga ginapanag-iyahan ni Estelita Garcia sa Purok Mainuswagon.
Bangod kay nagatuga sang disturbo sa tagbalay, ginwarningan ini sang tag-iya nga magpauli nalang. Apang wala ini namati rasun nga nagguwa si Remias kag gulpi lang nga ginbuno si Benjie sa iya nalikod nga parte sang iya nga lawas.
Gindala sa Sipalay Infirmary ang biktima apang sa ulihi ini ang gin transfer sa Bacolod City.
Nagpalagyo pa ang suspek apang sa ulihi ini nadakpan kag narecover man ang kutsilyo nga iya gingamit.
