Lalaki nga manogbaligya manok sa Burgos Paublic Market gintiro patay sang riding-in-tandem

Gintiro patay sang ginapatihan riding-in-tandem ang isa ka lalaki nga manugbaligya sang manok sa dalan Galo-Ramos, Barangay 19, Burgos Public Market, syudad sang Bacolod las 5:45 kahapon sang hapon, September 30.

Ginkilala ang biktima sa kay Raymart Indino alyas ‘Kalbo’, 39 anyos, residente sang Barangay 22, syudad sang Bacolod.

Suno sa mga saksi sa lugar, nagapungko lang sa gwa sang balaligyaan ang biktima sang nagabut ang duha ka mga suspetsado sakay sa motorsiklo kag gintiro sang anum ka beses si Indino.


Sa pahayag naman ni Police Executive Master Sgt. Romel Bacule sang Police Station 4, wala man sang kaso si Indino sa ila istasyon kag kilala ini nga mabuot nga tawo sang iya pamilya kag mga abyan.

Sa karon nagapadayon ang imbestigasyon sang otoridad sa insidente.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments