Lalaki nga nag wild, gitabangan ug tigbas sa mga sakop sa BPAT

35

Kritikal ang lalaki sa balay tambalanan human kini gitigbas  sa mga BPAT diha sa may Purok Bautista Barangay Tubod, ning dakbayan sa Iligan alas 12:30 ang takna kaganinang kadlawon.

Biktima nailang si Joveno Salud Jr,. 25 anyos,minyo,  sikad driver ug molopyo sa nasangpit nga dapit.


Giila ang mga suspetsado nga sila si Gino Cabansa ug Ferdie Pabualan, mga sakop sa BPAT sa nasangpit nga lugar ug ig-agaw sa biktima.

Base sa blotter sa kapulisan, nga nag wild ang biktima ug miadto sa balay sa mga suspek, 

Nangita matud pa kini ug away ug didto na  gitabangan ug tigbas sa mga suspetsado gamit ang sundang.

Igo sa likod,abaga ug bukton ang naangkon sa biktima hinungdan nga gidala kini sa balay tambalanan.

Padayon pang gipangita sa kapulisan ang nasangpit nga mga suspek kinsa misibat sa wala matino nga direksyon.

Facebook Comments

From Advertisers