Patay ang isa ka lalaki matapos luthangon samtang naga-inum sang beer sa ila terasa sa barangay Cabunga, Passi City sang nakaligad nga Domingo sang gab-i Ginkilala ang biktima nga si Edmond Gerbaliga Sr., 50-anyos, kasado, kag pumuluyo sang nasambit nga lugar.
Base sa imbestigasyon sang Passi City PNP, ginpahayag ni Police Supt. Arturo Fullero nga samtang yara sa sulod sang ila balay ang biktima kag nagapungko sa terasa kag naga-inom sang beer, ginluthang ini sang wala makilala nga suspek.
Nakaangkon sang pilas sa likod nga bahin sang ulo ang biktima nga gintunaan sang iya kamatayon.
Padayon karopn nga ghina-imbestigahan sang Passi City PNP ang nasambit nga kaso kon sa diin may apat ka persona nga gin-imbitar ang kapulisan kag ginpaidalum sa paraffin test. Tags: Visayas, Iloilo City, Iloilo, Rmn Iloilo, DYRI774, Sonny S. Punay
