Lalaki nga naghikog sa Bredco Port Bacolod, nagapabilin nga Mr. X

BACOLOD CITY – Nagapabilin nga Mr. X ang isa ka lalaki nga ginapatihan naghikog sa isa fish cage sa Bacolod Bredo Port sadtong nagligad nga Domingo sang kaagahon.

Ginpahayag sang caretaker sang amo nga palaisdaan nga mga las 4 sang kaagahon sang iya nakita nga nagalanguy padulong sa dagat ang biktima kag nagsaka sa fish cage nga human sa kawayan.

Suno sa iya, ginsaway niya ang biktima apang gintayaan pa ini sang kutsilyo gani napilitan ini nga magpalayo. Matapos ang duha ka oras naghikog ang biktima pinaagi sa paghigot sang kalat sa iya liog kag naglumpat sa dagat.


Gilayon nagpatigayon sang recovery operation ang Philippine Coast Guard Bacolod Station, Regional Martime Unit kag Police Station 2 sa pagpanguna sang case investigator nga si PO3 Rommel Beato.

Base sa description sang biktima, ini siya ang nagataas sang 5’7, naga edad 20 tubtub 25 anyos kag nagasuksok sang itom nga jacket kag shorts kag isa ka Tagalog speaking./dyHB BACOLOD

Facebook Comments