Pagadian City – Nagbitay na ang patay nga lawas sa usa ka lalaki human kini nga nakaplagan alas 10:30 sa buntag kagahapong adlawa December 23, 2020. Kini nahitabo didtong dapita sa Purok Bayabas, Brgy. Lumbia, ning syudad sa Pagadian.
Ang biktima naila sa pangalan nga si Romulo Mag-Abo, anaa sa insaktong pangidaron, residente sa Purok Tabing-Ilog, Barangay Balangasan, sakop ning dakbayan.
Nakaplagan kini sa usa ka concern citizen sa nasangpit nga dapit nga nagbitay na sa steel grill sa Secretario Mausoleum, Pielago Cemetery, Purok Bayabas, Barangay Lumbia, Pagadian City.
Sa imbestigasyon nasayran nga ang maong biktima kompermadong nagbitay sa steel grill sa naasoy nga sementeryo nga nakahikot sa nylon ang liog niini.
Aduna matud pay problema sa pamilya ang naasoy nga biktima nga maoy hinungdan sa iyahang pagpakamatay. Anaa karon sa gamalinda funeral homes gipahimutang ang patay nga lawas sa biktima.
