LALAKI NGA NAKUHAAN SANG ARMAS LUTHANG SA BANWA SANG ALIMODIAN ILOILO

Detain sa Alimodian Municipal Police Station si Rodney Tabud, 20 anyos sang Brgy. Cabacanan Rizal, Alimodian Iloilo.

Narekober sa arestado ang isa ka pistolized nga 12 guage shot gun sang magpatigayon sang Oplan Bakal ang Alimodian Municipal Police Station sa mga ilimnan kag kabahin sang security preparation sa mga aktibidad sa Municipal Fiesta sang nasambit nga banwa.

Suno kay Police Chief Insp. Danilo Loca sang Alimodian MPS, si Tabud ang suspetsado sadtu sa carnapping bangud sa pagkuha sang motorsiklo apang natigayon na ini nga ma-areglo.


Detain ini subong sa karsel sang Alimodian MPS kag nagapangatubang sang kaso nga pagbayolar sang R.A. 10591 okon ang Comprehensive Law on Fire-Arms and Ammunition.

Natalana nga magapatigayon sang kapiestahan ang banwa sang Alimodian sa palaabuton nga Setyembre 22, subong nga tuig.

Facebook Comments