Lalaki nga nang tigbas sa iyang mga kainom, posibleng mapasakaang kaso karong adlawa.

18

Tanggong karon sa karsel sa Sindangan MPS ug lauman nga mapasasakaan na ug kaso karong adlawa ang usa ka person of interest nga mihimo sa pagpapanigbas sa miaging byernes didto sa may Brgy. Imelda, lungsod sa Sindangan sakop ning probinsya sa Zamboanga del norte.

Ang mga biktima mao sila si Diosdado Empap Balawing, 57 anyos ug Agapito Matando Balawing Jr. 51, kinsa gitigbas ni Stanley Olis Ogis pulos kini sila residente sa nahisgutan nga dapit.

Kahinumduman base sa nakuha nga report gikan kang PO1 Marlon Bañes, ang biktima ug ang person of interest nag inom kini sila sa panimalay sa ilang silangan. Human sa maong lingaw-lingaw kini si Stanley dali kining mi uli sa ilang balay ug nagdali nga ni balik ug armado na sa sundang, sa walay daghang pangutana mitigbas kini sa makadaghan nga higayon sa nagkadaiyang parte sa lawas sa mga biktima.
Patay diha-diha kini si Diosdado Empap Balwing samtang kini si Agapito Balawing dali nga gidala sa balay tambalanan dinhi sa dakbayan sa Dipolog.

Karong adlawa dad-on kini sa korte para sa pormal nga pagpasaka sa kaso, igo nalang sa pagmahay ang mihimo sa maong salaod nga si Stanley human gibalhog sa bilangguan tungod sa iyang nabuhat nga pagpanigbas.

samtang karong adlawa magpahigayon sa tulo ka dagkung kalihukan (3 in 1) ang ZNPPO didto himoon sa Dipolog City Sports Center ning dakbayan.

Nasayran gikan ni PSUPT Charisse B. Yabo, ang Hepe sa Police Community Relations sa ZNPPO nga ang mga kalihukan naglangkob sa mosunod:

1. Pagbukas sa PRO9 SWAT CHALLENGE (unang insidente: Bus Assault) nga salmutan sa tanang Police Provincial Offices sa PRO 9, PNP SAF, PNP Aviation Security Group, Bureau of Jail Management & Penology (BJMP) ug ang mga miyembro sa Philippine Shooters Match Officers;

2) ang paglunsad sa kampanya sa PNP nga “CLEAN RIDER” – diin mopalapad sa kampanya sa tanang motor-riders nga kanunay magdala sa ilang kompletong papeles sama sa updated driver’s license, rehistro sa ilang motor-vehicle, paggamit sa “prescribed riding helmet”, ug ang pagbaton sa kompletong himan o kagamitan sa motor-vehicle sama sa side mirror, signal lights ug uban pa;

3) ug ang pagpahigayon sa usa ka adlaw nga caravan may kalabot na sa pagkuha o pag-renew sa License To Own and Possess Firearms (LTOPF).

Dugang gipasabot ni PSUPT Charisse Yabo nga pagasugdan kining tulo ka kalihukan dinhi sa Dipolog City karong adlawa ug sundan ang maong mga kalihukan sa Zamboanga del Sur ug Zamboanga Sibugay.

Gi-awhag ni PSUPT Yabo ang hingtungdang katawhan ilabi na kadtong mga nanag-iya sa mga armas sa pagsanung sa ilang License To Own and Possess Firearms (LTOPF) Caravan sa ZNPPO alang sa ilang kasayon.

Facebook Comments