Davao City – Nadakpan sa kapolisan ang usa ka suspetsado sa pagdunggab sa iyang kauban nga pintor natigayon alas 10:21 sa kagabie nahitabo didto sa usa ka restobar sa Doña Vicenta Bajada siyudad sa Davao.
Base sa report gikan sa San Pedro PNP naila ang dinakpan nga si Pacundo Elondo, 33 anyos, nagpuyo sa Michael St.Maa ning siyudad sa Davao samtang ang biktima naila sa pangalang usa ka Benjie Yatas, 33 anyos, usa ka pintor nga taga Datu Luho, Ma-a ningsiyudad.
Kahinumduman samtang nag-inom ang duruha sa usa ka bar nagkalalis kini kalabutan sa ilang trabaho ug kalit nga mikuha ang suspek og usa ka buak nga botilya dayon giluba ang biktima tumong sa likod nga bahin.
Human sa hitabo daling gidala ang biktima sa Southern Philippine Medical Center ug gipailawom ug operasyon diin padayon pang ginaobserbahan ang kahimtang niini sa karon.
Samtang ang kapolisan nagpaabot na lang sa biktima kung mupasaka ba og kaso batok sa suspitsado.
RadyoMaN Don Pulayao
