GENERAL SANTOS CITY- Gikumpirma sa South Cotabato Police Provincial Office nga adunay kalambigitan sa narekober nga mga armas sa Kapa-Community Ministry International (KAPA) founder nga si Joel Apolinario, ang napatay nga si Jourhan Utap, atol sa gikasang law enforcement operation sa Polomolok, South Cotabato.
Sa pamahayag ni Police Provincial Director, P/Colonel Jemuel Siason nga migawas ang pangalan ni Utap nga usa sa mga “facilitators” o “mediators” sa pagpalit ni Apolinario sa maong mga armas.
Kahinumduman nga ubay-ubay ang mga matang sa tag-as nga armas ang nakuha kang Apolinario human nga gisikop kini sa iyang mansion sa Lingig, Surigao del Sur niadtung nakalabay nga tuig.
Nasayran usab nga si Utap ang usa sa financier sa local terror group nga Dawlah Islamiyah ug igsuon niini nga si Mohaimeen ang napatay human matod pa misukol sa mga otoridad atol sa gikasang operasyon sa Sitio Bio, Barangay Lapu.
Gikumpirma usab ni Siason nga adunay pending warrant of arrests ang maong mga suspek sa kasong murder, carnapping ug illegal drugs.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: SOUTHCOT.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
