General Santos City–nagtingkagol karon sa selda Sa Police Station 6 ang usa ka Anicito Balawa Villarba, 28 anyos, usa ka laborer ug nanimyuo sa Malapatan Sarangani Province human nga gireklamo kini sa usa ka 18 nga sales lady tungod sa pag sulod niini sa gi-abangan nga boarding house sa bitkima nga nahimutang sa Purok Pearly Shell, Barangay Bula ning syudad, alas 5:00 ang takna sa buntag.
Sumala pa ni PCI Donald Cabigas, hepe sa Police Station 6 nga pugsanon matud pa ng misulod ang suspect sa maong boading house ug gigunitan ang biktima hinungdan sa pagsukol niini.
Tungod matud pa sa pagpalag sa reklamante gisumbag siya sa suspect sa baba hinungdan sa pagkasamad niini.
Malampuson usab nga nasikop nag suspek human nga nakarespondi gilayon ang kapulisan. Sa karon padayon ang gihimong imbistigasyon sa Awtoridad kalabutan sa insidenti.
Nasayran nga hubog ang suspek niadtong tungura apan ginasuta pa kung lango usab kini sa iligal nga droga. (Dave Silagan)
