Lalaki patay human gipusil sa iyang kainom.

34

Padayon pa gihapon ang gihimong hot pursuit operation sa kapulisan sa lungsod sa Siayan aron masikop ang mga suspetsado nga mihimo sa pagpamusil ug pagpang dunggab kini ang gibutyag ni imbistigador PO2 Armando L. Pelayo Jr.

Kahinumduman nahitabo kini didto sa brgy. Seriac niadtong adlawng Domingo sa may 5:00PM.

Ang biktima mao si Rio Bongulan Alburo, 32 anyos, samtang ang mga suspek mao sila si Donat Ladiogonong; Edoy Dalangon; Edwin Amayac; Tutob Gandipon, Marcelo Mendoza ug naila lamang sa apelyedo nga Amayac pulos kini hingkod ang pangidaron ug molupyo sa nahisgutan nga lugar.

Subay sa imbistigasyon sa kapulisan ang biktima ug ang mga supek nag inom kini sila sa tindahan ni Rodelia Taata, nga miresulta kini sa ilang panaglalis hinuon natambagan kini nila ni Ronie Elanan Jorigue, brgy. Tanod ug ni Rolly Jorigue, konsehal sa brgy.

Nakita usab sa opisyal nga ang duha ka suspek nga sila si Donat Ladiagonong ug Edoy Dalangon mibunot kini sa homemade nga pistola apan gitambagan kini nga mopauli nalang.

Samtang nagbaklay ang mga suspek padulong sa ilang pinuy-anan, ang biktima misunod kini sakay sa iyang motorsiklo.

Sa wala madugay, nakadungog ug buto sa armas ang mga opisyal sa lugar nga gipadulngan sa biktima ug suspek. Gisundan kini sa brgy. Opisyal aron sutaon ang panghitabo ug didto nakita nila nga gipalibutan sa suspek ang biktima nga naghigda tunga sa dalan.

Human sa panghitabo dali nga miikyas padulong sa Sitio Mauswagon ug gibiyaan ang biktima nga wala na’y kinabuhi. Nakaangkon ang biktima ug usa ka samad pinusilan sa iyang walang bahin sa mata ug upat ka samad niluba-an, gisulayan pa unta kini’g dala sa balay tambalanan apan gideklara na kining dead on arrival.

Facebook Comments