Lalaki patay human gipusil sa wala mailang armado.

22

Padayon pa karong giila sa kapulisan sa lungsod sa Sergio Osmeña, ang person of interest nga mipusil patay sa usa ka biktima didto sa may brgy. Dampalan, lungsod sa Sergio Osmeña, niadtong adlawng lunes, 6:16PM.

Giila ang biktima nga si Danilo Pagan, 57, residente sa nahisgutan nga barangay sa unahan, kinsa gipusil sa wala mailang indibidwal niadtong higayona.

Sa gihimong makuting imbistigasyon ni PO3 Reynante Bersales ang biktima anaa sa iyang umahan para manugway sa iyang karabaw didto sa Purok 7, brgy. Dampalan, ug didto na naka higayon sa pagpusil ang wala mailang armadong lalaki.

Duha ka higayon gipusil ang biktima ug maayong pagka igo sa iyang liog ug dapi-dapi nga miresulta saw ala damhang kamatayon.

Nakuha sa lugar nahitabuan ang duha ka basyo sa bala sa Garand Rifle. Padayon pa karon ang imbistigasyon aron sa posibleng pag-ila ug pagkasikop sa responsible.

Facebook Comments