Lalaki patay human gipusil

Patay  ang usa  ka  lalaki human  gipusil  sa wala  mailang  suspetsado alas  2  kapin kun  kulang  ang takna  sa  kaadlawon kagahapong  adlawa  sa  mayErlinda  ville  Barangay del  Carmen  ning dakbayan  sa  Iligan.
 
 
Biktima  nailang si  Michael  Amam, 30  anyos  ug molupyo  sa  Zone 2  sakop  sa maong  barangay.
 
Nakangkon  ug samad  pinusilan  sa  ulo  ang biktima  hinungdan  sa iyang kamatayon  apan  nadiskobrehan ang  iyang  patayng lawas  pagka  alas 5  na   ang takna  sa  kabuntagon.
 
 
Narecover  gikan sa  crime  scene ang  basiyo  sa  .45nga  pistola  nga gituohang  gigamit  sa pagpusil  sa  maong biktima.
 
 
Usa  ka gitumbok  nga  motibo sa  pagpusil  patay ang  kalambigitan  niini sa mga  kawat  sa maong  dapit   ingon man  ang  pagwitness  niini  sa   usa  ka panghitabo.
 
 
Samtang  ang kapulisan  padayon  sa ilang  imbestigasyon  kalabot sa  maong panghitabo.

Facebook Comments