Patay samtang ginabulong sa Don Jose Monfort Medical Center sa Barotac Nuevo, Iloilo ang driver sang motorsiklo matapos natumba kag aksidente nga natapakan sang ceres bus kahapon sang hapon (Agosto 11).
Ginkilala ang biktima nga si John Martinez, 37 anyos ang edad, kag pumuluyo sang Barangay Ito Norte, Cabatuan, Iloilo.
Ginpahayag ni Police Sr. Master Sgt. Ken John Banzon , imbestigador sang Dumangas PNP nga base sa ila imbestigasyon, natabu ang insidente mga alas 4:30 kahapon sang hapon sa Brgy. Balabag, Dumangas sang nagtuyo nga mag-overtake si Martinez sa isa pa ka motorsiklo apang natumba ini kag nagtabog kag nakasuhot sa nagadalagan nga Ceres bus nga byahe padulong sa Estancia.
Bali ang hawak kag may mga pilas ang biktima kag dali-dali nga gindala sa ospital apang mga alas 8 kagab-i, ini ang napatay.
Samtang yara naman sa custody sang Dumangas PNP ang driver sang Ceres bus nga siRrichard Sayat para sa nagakaigo nga disposisyon.
