Pilason ang isa ka lalaki matapos madisgrasya ang iya ginasakyan nga motorsiklo pasado alas 8 sini lamang nga gab-i sa barangay Sigangao, Zarraga, Iloilo.
Ginkilala ang biktima nga si RB Pacio, 23 anyos sang barangay Lapayon, Leganes, Iloilo.
Ginpahayag ni Police Staff Sgt. Ryan Superficial, imbestigador sang Zarraga PNP nga nakainum ang biktima kag magapadulong sa siyudad sang Roxas kag pag-abot sa barangay Sigangao, Zarraga nakalabay ini sa dalan nga may mga lubak-lubak nga iya ginlikawan apang ini siya ang nadisgrasya.
Nakaagum sang pilas sa ulo kag nautod ang kamalagko sa natuo nga tiil sang biktima kag gilayon nga gindala sa Metro Iloilo Hospital sa Tagbak, Jaro.
Facebook Comments
