Pormal na karon nga gipasakaan ug kaso si Alexander Jerodias Garcia, 38 anyos, ulitawo nga taga brgy. Minlasag, Sibutad.
Human niya nga giluba si Arcadio Arao Gonzales Jr. 49 anyos, ulitawo nga taga brgy. Marapong lungsod sa Sibutad sakop ning atong probinsya Zamboanga del norte.
Kahinunduman, subay sa taho sa kapulisan ang biktima ug ang suspek nag-inom kini sa tindahan ni Sising niadtong adlawng sabado, human sa ilang pag inom mi uli kini sa panimalay nga ginag-iyahan ni Jose Tan, anaa nahimutang sa Purok 3, Brgy. Minlasag.
Matod pa paghidangat sa nahisgutan nga balay, ang duruha nagkalalis kini nga miresulta na hinuon sa ilang pagsinumbagay.
Si Alexander milanit kini ug 5 ka taas nga steel iron dayong luba ngadto sa biktima nga si Arcadio ug maayong pagkaigo sa walang bahin sa gusok ug dughan.
Gilayong gidala kini sa balay tambalanan sa Sibutad Municipal Hospital alang sa hinanaling medikasyon pagka human gibalhin kini sa Zanorte Medical Center.
Sa pagkakaron nagtingkagol na sa balay bilangguan si Alexander samtang si Arcadio padayon pa karon nagpaalim sa balay tambalanan sa Zanorte Medical Center
