Lalaki sikop human naaktuhan nga nagdula sa usa ka electronic illegal gambling machine.

Sikop ang usa ka indibidwal human kini na aktuhan nga nagdula sa usa ka electroninc illegal gambling machine sa gihimong anti illegal operation sa CIDG sa pagpanguna ni PCI Samson B. Pascual, personahe sa PIB ZNPPO ug sakop sa Liloy MPS.

Ang maong operasyon didto kini gihimo sa Barangay Lamao, sakop sa lungsod sa Liloy ning Probinsya human naka dawat ug intel report may kalabot sa maong illegal nga sugal.

Ang dinakpan nailang si William Pallega y Gutual, nagpuyo sa nahisgutan nga barangay kinsa aktong nasapon nga nagdula sa fruit game machine. Nakuha sa iyang posisyon ang mga sinsilyo nga nagkantidad sa P110.00.


Samtang ang mga kauban niini nga nagtayaan usab dali nakasibat human nakamatikod nga anaa ang mga tinugyan sa balaod.

Ang maong illegal gambling machine gikumpiska kini sa mga kapulisan, kasamtangan usab nga nagpadayon ang kampanya nila sa pakigbatok sa illegal nga sugal.

Facebook Comments