General Santos City—Balhog sa silda sa Polomolok PNP ang suspetsadong si Roland Romelite, 24, residenti sa Purok 3,Barangay Glamang, Polomolok human nasikop sa gihimong buy-bust operation sa kapulisan alas 11:30 ang takna sa buntag niadtong nakalabayng adlaw.
Nasikop ang nasangpit human nga napalitan ug usa ka sachet sa gituohang shabu sa police nga nagpakarong-ingnong poseur buyer gamit ang P500.00 nga maerked money.
Nasayran nga dugay nang gipanid-an sa kapulisan ang suspek human nga dunay nakaabot nga impormasyon sa kapulisan nga lambigit kini sa iligal nga droga.
Kasong kalapasan sa RA 9165 ang gikatakdang atubangon sa suspetsadong dinakpan.
Facebook Comments
