Lalaki sikop sa buy bust sa Toril

Davao City – Arestado sa Toril PNP ang usa ka Nasser Tantong Walingan, 33 anyos residente sa may NHA Bangkal ning siyudad atol sa gilusad nga buy bust operation sa Toril.

Base sa report, gilusad ang operasyon bandang alas 12:40 kagahapon sa panguna ni PCI Jerome de Guzman uban ang PDEA 11.

Gamit ang usa ka libo ka pesos positibong nakapalit og iligal nga droga ang usa ka poseur buyer rason sa pagkasikop sa suspek.


Narekober sa kapolisan ang upat ka medium sachet sa gidiling droga, cellphone ug motorsiklo nga gigamit sa pagpayuhot og iligal na droga.

Kasong paglapas sa Comprehensive Dangerous Drugs Act of 2002 ang atubangon nga kaso sa suspetsado.

RadyoMaN Paul Canono

Facebook Comments