Dapitan City- SIKOP ang usa ka lalaki sa gipahigayon nga buy-bust operation sa Philippine Drug Enforcement Agency (PDEA) Zamboanga del Norte Provincial Office sa miaging adlaw mga alas 9:00 sa buntag sa Sitio Tambak, Barangay Banonong dakbayan sa Dapitan.
Mismo si PDEA Regional Director IX, Dir. III Lyndon Aspacio, CESE ang niila sa ilang nadakpan nga si Michael Napao Jumuad, 35 anyos, minyo ug lumulupyo sa susamang dapit.
Atol sa operation wa kaugpo ug malampuson nasikop ang suspek human kini napalitan sa ginadiling droga sa nagpatuong poseur buyer nga ahente sa PDEA.
Nasayran nga nakuha gikan sa posisyon sa suspetsado ang usa ka pakete sa gituohang shabu ug ang P500 pesos nga drug bust money.
Sa pagkakaron ang maong dinakpan ang temporaryong gibalhug sa Dapitan City Police Station alang sa pagpaabot sa tukmang kaso nga ipahamtang batok kaniya. (r.m)
