Sikop sa hiniusang pwersa sa City Drug Enforcement Unit sa kapulisan sa Station 5 ug sa STATION 4 ug usab sa PDEA ning dakbayan sa Iligan ang usa ka target suspek sa pagpayuhot sa illegal nga droga sa City Best inn ning dakbayan.
Maoy nasikop si Junreal Francis Galves, 34 anyos ulitawo taga Purok 3-A barangay del Crmen ning syudad sa Iligan.
Ang suspetsado, nakuhaan ug usa ka sachet sa gituohang shabu, 500 pesos nga marked money, ug laing large sized sa gituohang shabu, ug laing gamay nga sachet sa shabu.
Lakip ang maong lalaki sa upat pa ka mga suspetsado nga nasikop atol sa pag ronda sa kapulisan sa nasangpit nga Inn.
Mag atubang kini ug kasong may kalapasan sa RA 9165 o Comprehensive Dangerous Drugs Act of 2002, samtang kasamtangan kining naka detained sa police Station 5 karong panahona.
