Lalaki sikop sa search operation sa kapulisan sa Kiamba

15

General Santos City—Hingpit nang nakasuhan ug kalapasan sa RA 9165 ang usa ka Randy Sumampong, legal age, residenti sa Barangay Lumuyon, Kiamba, Sarangani Province kansa una nang nasikop atol sa gilusad nga Search Operation sa Sarangani Police Office inabagan sa PDEA-12 ug uban pang Unit sa kapulisan niadtong nakalabayng adlaw.

Nasayran nga nakuhaan ug upat ka sachet sa gituohang shabu ang panimalay sa suspek atol sa pagronda sa kapulisan sa ilang panimalay.

Gawas niini duna pay nakuhang mga drug paraphernalia’s sa bahay sa nasampit. Una nang nakadawat ug report ang kapulisan nga matud pa lambigit sa droga ang suspek mao nga gipahigayunan ug operasyon.

Facebook Comments