LALAKING GITUUHANG MAY DALANG IED PATAY SA PAGPAMUSIL, SAMTANG LAING USA SAMDAN

22

*General Santos City— Padayon pa ang ginahimong imbestigayson sa kapulisan sa insidente sa pagpamusil sa Isulan, Sultan Kudarat milabay’ng adlaw kung asa usa ang patay, samtang usa ang samdan.*

*Sumala kang lt. Col. Lino capillan, tigpamaba sa Police Regional Office 12 nga ang namatay nailang si Ashmer Pikit, 21 anyos nga residente sa Brgy. Dansuli, Isulan nga naka-angkon ug ubay-ubay nga igo pinusilan. Samtang samdan ang usa ka Raden Mamaki, 29 anyos nga residente sa samang lugar, ug nagpabiling nagpa-alim sa balay tambalanan.*


*Pamahayag niini nga ginasuta pa sa otoridad kung gipanag-iyahan sa biktima ang maong gituuahang Improvised Explosive Device kon IED.*

*Dugang pamahayag ni Lt. Col. Capillan nga lakip sa ilahang gina-imbestigahan mao ang posibleng ilhanan sa mga suspek nga sumala pa sakay sa usa ka motorsiklo.*

*Subay matud pa sa gihimong imbestigasyon kang Mamaki, dili ilaha ang maong IED ug wala kini kasayuran kung ganong naka-abot kini sa biktimang si Pikit.*

*Saysay matud pa ni Mamaki nga ilahang ginabaybay ang dalan sa Prk. Don Juan, Brgy. Kenram, Isulan, dihang kalit lang silang gipusil sa mga suspek ug nakadagan matud pa kini ug nakatago rason nga wala kini mapuruhan.*

*Kalabot niini, gibutyag ni P/Ltc. Capillan nga mas gipakusgan ug gipahugtan na nila ang ginahimong seguridad sa tibuok lungsod sa Isulan kaabag ang militar.*

*Anaa na matud pa sa kustudiya sa Sultan Kudarat EOD Team ang maong gituuhang IED ug ginasuta kung unsa nga grupo ang posiblerng nagpaluyo sa paghimo niini.*

*Narekober matud pa sa crime scene ang ubay-ubay nga mga basyo sa kalibre 45 nga armas ug 9mm. Gilayon man usab nga gihulipan isip hepe sa isulan si Pol. Lt. Col. Joven Bagaygay human ng insidente ug ang kasamtangan hepe mao si Lt. Col. Modesto Carrera.*

Facebook Comments

From Advertisers